ЖОБА ЖОСПАРЫ БЕКІТІЛДІ

/ 26 января, 2021/ Новости города Талгар, Новости Талгарского района, НПО

Өткен аптада Талғар қаласында жергілікті үкіметтік емес ұйымдардың жиыны өтті. Ондағы мақсат ауданымызға қарасты қоғамдық ұйым мүшелерінің басын қосып ортақ коалиция құру болды. «Талғар аудандық ауыл әйелдерінің одағы» бастаған «Жергілікті қауымдастықтың тұрақты дамуы» қоры, «Ұрпақ», «Самға-Н», «VЕСТОR», «A kind heard», «Жауқазын» қоғамдық бірлестігінің барлығы дерлік төбе көрсетті. Бұл отырыстың өтуіне «Жергілікті қауымдастықтың тұрақты дамуы» қоғамдық қоры мен «VЕСТОR» жастар одағы» қоғамдық бірлестігі мұрындық болды.

Бейресми форматтағы бұл отырыс екі бөлімнен тұрды. Бірінші бөлімде халықаралық «USAID» және «EURASIA FOUNDATION» қорларының қаржыландыруымен «Талғар ауданындағы бюджеттік мәліметтердің ашықтығын, айқындығы мен есептілігін арттыру» жобасы аясында үкіметтік емес ұйымдардың коалициясын құру туралы Меморандумға қол қоюмен басталды. Модератор баяндағандай бірлестік жетекшілері қол қойған меморандумда төмендегі көрсетілген бес бағыт бойынша жұмыс жасау көзделген:

  • Қазақстан Республикасының облыстың әлеуметтік-экономикалық дамуы туралы заңнамасына сәйкес азаматтарға ақпараттандыру және ақпаратқа қол жетімділікті қамтамасыз ет;
  • Аудан бюджетінің ашықтығы және бюджет қаражатын пайдалану тиімділігі бойынша ұсыныстар беру;
  • өңірдің өзекті мәселелері бойынша Коғамдық тыңдаулар өткізуге бастамашылық сту;
  • денсаулық сақтау, спорт, мәдениет, бос уақыт, білім беру, еріктілер, экология, әлеуметтік кәсіпкерлік, ауданның әлеуметтік қолдауы және инфрақұрылымы саласындағы әлеуметтік жобалар мен бағдарламаларды іске асыруға көмектесу;
  • Аймақтың әлеуметтік-экономикалық дамуы саласындағы азаматтардың қоғамдық белсенділігіне ықпал ету.

Күн тәртібіндегі екінші мәселе «USAID » және «EURASIA FOUNDATION» халықаралық қорларының қаржыландыруымен «Талғар қаласындағы жергілікті қоғамдастықтардың басым мәселелерді шешуге қатысу, жандандыру» бойынша ұйым өкілдері тарапынан кіші жобалар таныстырылды. Ұсынылған алты жобаның ішінде сипаты сын көтермейтіндер де кездесті. Әрине өз кезегінде комиссия мүшелерінің ойы тыңдалып, ескертулер айтылды. Нәтижесінде ауданымыздағы бірқатар мәселелердің шешілуіне себеп болады деген үмітпен «Кітаптар арт-скамейкасы», «Күл-қоқыс бактарын орнату», «Қаңғыбас иттерді азайту мәселесі» сынды жобалары таңдалынып алынды.

«Талғар-ақпарат».

Поделиться этой записью

Оставить комментарий

Ваш адрес email не будет опубликован. Обязательные поля помечены *

*
*